Archive for December, 2008

مواليد السعادة

December 31, 2008

baby-2008-copyآلســلام عليـكم ..

 

بما أني دووم أشوف ملفات الصور مالتـ الأهل  وماشاء اللــہ معضم أهلنا خلفوا

 وجابوا عيال حلوين فحبيت أجمع صور كل المواليد الجدد

وحبيت أهني مواليد 2007-2008 وجعلهم ربي منـ مواليد السعادة والذرية الصالحــہ

أدري التهنئــہ جات متأخرة بس توصل لهم أن شاء اللــہ

 

ومقر النونوات

ليلى-أمريكا

صفوان، حنان- اليمن 

يوسف-قطر

سالم، ميساء، شيخة، الجازي- البحرين

 

انزوى قلبي

December 30, 2008

{[.. وانزور قلبي وحيداً…خلف جدرانِ التمنـي.. ..]

d988-d8a5d986d8b2d988d989-d982d984d8a8d98a

إشتركت في مسابقة في أحد المنتديات وتنافست مع وحدة من الأعضاء في المسابقة وطلعت المتسابقة هي المدونة  ~ تُوٍتَآإٌ وتفوقت علي بثلاث درجات وكان تصميمي الي فوق أبي رايكم.

اشتريت كاميرا!

December 29, 2008

canon

اليوم يوم حافل بالنسبة لي بس يوم يجب الظغط وعدم التفائل بنفس الوقت .لمن خطيت باب المحل حسيت حالي متضايقة من أشياء صارت خلال الاسبوع الماضي وراسي مليان أشياء وكلام. خذيت الجريدة من عند الباب وقعدت أقلب في الصفحات عشان أشتري الكيمرا شفت سعره أتغير ما كنت أبي أشتريه بس أبوي أصر رحنا قسم الكيمرات وسألنا عن الكيمرا الي كنا نباها قال خلاص السعر أتغير. بس قال لنا هذي الي تبونها مو بوفشنل بس الي جنبة بروفشنل الفرق طلع في البكسلس والأل سي دي سكرين. الموهم أترددت كثير قلت لأبوي خلاص مافي داعي ماأبي أشتريه قال لي لا حلوة الكيمرا وقعدنا نسأل سعره مع التاكس. وصل قريب ال800 دولار وسألنا شنو يجي وياه طلع أنه يجي وياه الأشياء العادية ومافي إي إضافات وبعدين… ابوي قالي تشترين لاب توب أحسن ولا الكيمرا قلت له من ناحيتي الكيمرا أفضل بعدين لمن فتح السامبل مال الكيمرا وسأل أبوي لمن تبي تشتري الكيمرا؟ أبوي قال لبنتي وأشر علي وبدأ يشرح… عيني راحت بعيد شفت بنت من سنتين ما شفتها . هالبنت عرفتها أول سنه دراسة لي هنا من يوم ما خطيبها مات بدينا نتكلم ويا بعض هي من أصول هندية بس كانت عايشة في جزيرة قريب أمريكا . بعد هذيك السنة ما شفتها إلا مرة وكانت البسمة ما تفارق شفاتها بس الحزن يملي ملامحها شفتها وسلمت عليها وقلت لها شتسوين هني قالت لي إنها تشتغل في هذاك المكان وبعدها لين أمس ما شفتها ولمن رحت المحل لمحتها كانت قاصة شعرها كاريه ولابسة جاكيت للشتا لونة أسود وفيه شوي ذهبي وكانت تتكلم بالموبايل وحاملة أشياء كثيرة في إيدها. ما كنت أبي أكلمها لأني قلت يمكن مو هي بس بعدين تأكدت إنها هي نفس الشخص الي أعرفه. أبوي قالي يهو هنا وينك شو تبين الكيمرا ولا لاء قلت له إلين الحين أنا متردده وهو طلع بوكه من جيبة ويقول يالله توكلي خلينا ناخذها. بعدين قلت له هذي غالية مرة خلينا نشتري الي أرخص منها قال لي ما سمعتي شو الرجال قال إنها مو بروفشنل يعني هذيك ما تنفع وهذي أحسن قلت أوك خلاص نشترها بس بعدين قال أوه صح يبي له ميموري كارد لأنه مافي ميموري مع الكيمرا والميموري بروحة 35$ يعني السعر ولا أروع، وسألنا الرجال إذا نبي ورنتي 4 سنين ويكون عالمي ولمن سألنا السعر قال 100 وشي $ قلت لأبوي مافي داعي يكفي سنه وحدة ولمن أبوي دفع للرجال سأل على العدسة البوفيشنل وسأل عن سعرها بس ما كانت كانون كانت ماركة ثانية بعدين الوالد سأل إذا في كانون. قال “لاء بس تقدرون تشترونه أو لاين” وبعدين قال لأبوي “نحن كنا ندرس بالكتب إما ألحين أهم يدرسون بالكمبيوتر”. أبوي ضحك وحرك راسة وقال “وهذي هي المشكلة”. بعدين قلت لأبوي خلاص قلت مع الأيام رح أشتري عدسة كانون. لمن خلصنا كل شي الرجال صافح أبوي وقال لي “صورية 400 أو 500 صورة عشان يفرح”. أبوي رد علية أنا “أصلاً فرحان”. طلعت وأنا مو فرحانة مرة قد لو جت إختي معاي وأختارت الكيمرا بس أبوي فرحني بكلامة رفع معنوياتي و حقق خط من لستت أحلامي الي محتفضه فيها من مدة وماشطبت ولا خط. بس ألحين شطبت الكيمرا. لقيته والحمدلله. وإن شاء الله الكل يتحقق حلمة مثل ما تحقق حلمي. وبعدين ركبنا السيارة وحطيت الكيميرا جنبي في طريقنا كنت أقول لنفسي ياربي ليش أنا مو مستانسة بالكيمرا يعني أشتريته يعني خلاص صار عندي كيمرا بروفيشنل بس يالله مع الأيام رح أفرح وأستانس بكل لحظة أحمل فيها الكيمرا. و الله يخليك لي يا أبوي لأنك بادرت بكلامك الروعة وجيتك معاي أشتري كاميرة عمري.

حنا البدو…(بدو اليمن)

December 25, 2008
تصميم أمس خلصتة ماأدري ليش أحسة طلع واايد حلو غير تصاميمي الباقية
أستخدمت في التصميم صورة المرة البدوية والبرواز وواحد فلتر هو الخلفية
وخام واحد الي في الخلفية معطي طابع قديم وغيرت لون صورة البنت خليته أكثر قدم
صورة البنت مو من تصويري لقيته لمن كنت أبحث ولقيت الصورة للأسف بعد ما أعرف أسم المصور
الصور المستخدمة هنا

الكلمات كلمات واحد بدوي بس ما أدري شسمة أبي رايكم في الكلمات والتصميم
تراني مو بدوية بس ما عندي عنصرية أحب اليمن كلها…


حنا البدو
حنا بداوتنا الأصل
بالقمة حنّا مو أقل
حنّا بداوتنا تراث
من جيل لي جيل انتقل
حنا معاني ساميه
نروي السيوف الضامية
نرد المنايا ما نهاب
لو هي سعاير حاميه
اضغط لترى الصورة ب�جمها الطبيعي
حنا البدو
نعيش عيشه هاديه
وهذي حياة الباديه
سنة الربيع ، سنة دهر نخاف من قولة أفا
ونتعب على قولة نِعِم
ونعيش عاليين الهمم
من فضل ربي ما نخون
نرعــى الذمم
ونركض ونتعب ما نمل
in deviantart

عدن

December 22, 2008

عدن
يا من سكنتي قلبي

تصميم جديد حطيت فيه صورة بنت لابسة الزي العدني التقليدي والفل أهم شي

وفي الجهه الثانية حطيت صورة عدن وحطيت فوق التصميم ورود الفل بس خليت لونة شوي جاي عالبرتقالي

بالماسنجر وأنا فوق وهي تحت

December 22, 2008

أنا الـ …

و أختي الحنونة

بالتوفيق إن شاء الله تنجحيين

al_7anona

مريووووم

al_7anona:
ما نمتي؟؟
…. says:
أنا نايمة
al_7anona:
طيب مين الي يتكلم الحين؟؟
…. says:
مريم
…. says:
في الحلم
al_7anona:
تستعبطين
al_7anona:
من صدقك؟!؟!
…. says:
أيوة
al_7anona:
انتي نايمة و لا ما نمتي
al_7anona:
ترا اصدق انا
…. says:
ناااااااااايمة
al_7anona:
طيب كيف؟؟
…. says:
قاعدة أمشي
al_7anona:
كيف تمشين و انتي تكتبين
…. says:
في ساحل أبين
al_7anona:
و لا هذا كمبويتر متحكرك
al_7anona:
لاااا
al_7anona:
شكلك جنيتي
…. says:
لاب توب
al_7anona:
احلفي انو اللاب توب
…. says:
مافي داعي للحليف
al_7anona:
انزين الله يخليكي
al_7anona:
حطيلي قلم رصاص و مساحة على رف من رفوفك
al_7anona:
عندي امتحان بكرة
al_7anona:
و احتاجهم
al_7anona:
ضروووووووووووري
…. says:
ماعندي
al_7anona:
مريم!!
…. says:
أوكككككككككككك
al_7anona:
مشكووووووووووووورة يا النايمة
al_7anona:
سبحان الله حتى و انتي نايمة تحسين في الناس
…. says:
إيش قاعدة أتسوين
al_7anona:
ادرس
al_7anona:
الحين بنام
al_7anona:

احس حالي تعباااااااااانة
…. says:
تحسين
al_7anona:
سويت امتحانين و كلو ازفت فيه
…. says:
هيهيهيهي
al_7anona:
نسيت الرياضيات كلو
al_7anona:
ايوة صح ابغا كمان الاجندة
al_7anona:
الصفحات الي فيلو معادلات للرياضيات
…. says:
بس خلاص طلبات
al_7anona:
بليييييييييييييييييييييييييييييييييز
…. says:
أففففففففف
…. says:
أوك
al_7anona:
مشككككككككككككككككككككككورة
al_7anona:
يا نايييييييييمة
al_7anona:
صدقك نايمة
…. says:
أيوة
al_7anona:
طيب تصبحين على خير
al_7anona:
انا بديت اشك انك مو مريم
…. says:
أوك
…. says:
قرينتهااا
al_7anona:

هههههههههههههههههههههههههههههههههههههه
al_7anona:
يما منك
al_7anona
!!
al_7anona:
ما صدقتي جاكي كمبيوتر غرفتك
…. says:
أيوة
al_7anona
بس لا تنسين الي طلبتك اياه
al_7anona:
و دعواتك
…. says:
يوووه نسييت
al_7anona
gooooooood night
al_7anona:
ايش؟؟
…. says:
الأغراض
al_7anona:
شككككككككككككككككرا
al_7anona:
في امان الله
…. says:
بباي

….

December 19, 2008

apple

السلااااااااااااااام عليكم

بدت إجازة الشتا وأخوي إن شاء الله بيجي من إمريكا هو وعيالة إن شاء الله بنستانس

وصار عندي تويتر… صج رووعة وبعد شربت الأيس كب من فترة هو يعني كوفي مثلج  طعمة يجنن …

بحط في هذا البوست المواقف الي صارت لي بالفترة الماضية بس في البداية أحب أقول أن المشاكل والمضرابات زادت أروح المدرسة أشوف بنات يتظاربون هناك وشد شعر وهالسوالف أروح صف نقاشات حادة لأسباب تافة يعني بالزور أنشوف شي يفرح في هذي الفترة… ياترى عنكم نفس الشي ولا بس عندنا ؟؟؟

وثاني شي بكتب سالفة التفاح … أختي الصغيرونة كانت ترتب التفاح في صحن حق التفاح . رتبت كل التفاحات ولين ما وصلت لأخر حبة تفاح ، التفاح مو راضي يوقف، يتحرك يمين يسار رجعته ، ياخي مو راضي يوقف أول شي بدت تبكي وبعدين شوي شوي صوتها بدا يعلى لين ما قعدت أتصرخ وأتقول التفاح مو راضي يوقف عبالة طابور مدرسة هههه. أمي بالعافية سكتتها بعد ماقعدت تحكي قصص. وهي أصلاً أول ما تسمع أحد يقول” كان يا ما كان” تسكت وتسيب كل الي في إيدها.

وفي موقف  لفريج

نحن من فترة بدينا نشوف فريج في التلفزيون وكل يوم ننطرة الساعة 7 بتوقيتنا هنا مو كل يوم نشوفة حتى ما أعرف الأيام الي ينعرض فيه بس كل يوم نحط القناة إذا موجود قعدنا وإذا لاء نغير. المهم كانا نشوف فلم هندي قديم فقناة هندية وأبوي جا وقعد يشوفة معانا صارت الساعة 7 وخمس دقايق قلت بداااا فريج غيروا أبوي ما رضا يغير قال يخلص الفلم وبحط فريج مر الوقت وصارت الساعة 7 و35 حط دبي وما لقينا فريج أختي قالت أيواااااااااااااااااااا خلصصصصصص وقعدت تبكي … إدمان بعد ثلاث حلقات بس والله فريج صار سحر هههه.

وعن سالفة فريج بعد

قبل العيد الصغار لازم يتحنون وحدة من أخواتي قالت تبي فراشات والثانية تبي حنة أم خماس….

صج متأثرة

أبي تعليقاتكم على كل موقف وإذا عنكم موقف يضحك أكتبوة في الكومينتس ناطرة الردود

100 زائر من السعودية

December 18, 2008

saudi-arabia

زارني 100 شخص من السعودية

شي يشرفني ويسعدني إنكم زرتوا مدونتي

وإن شاء الله يوصل ال1000000 زائر يارب

حجاً مبروراً

December 5, 2008

hajj2

“لبيك اللهم لبيك لبيك لا شريك لك لبيك إن الحمد والنعمة لك والملك لا شريك لك”

أكثر من مليونين نسمة تردد هذه الكلمات الراائعة وهي تطوف حول الكعبة الشريفة وإن شاء الله يكون

“حجاً مبروراً وسعياً مشكوراً وذنباً مغفور بإذن الله تعالى”

وبعد كم من يوم رح يشرق شمس يوم جديد و المأذن بيقول

“الله أكبر الله أكبر الله أكبر لا إله إلا الله، الله أكبر الله أكبر الله أكبر ولله الحمد”

ورح نصلي صلاة العيد  ونعايد على كل الأهل

بمناسبة عيد الأضحى المبارك حبيت أبارك وأقول

كل عام وزوار مدونتي بخير وينعاد عليكم العيد وأنتوا بأحسن حال

وهذي خلفية إهداء للكل بمناسبة عيد الأضحى والحج بنفس الوقت

hajj-wallpaper2

1280×800

800×600

1024×768

1280×1024

محدث