إنقطعت عن مملكتي لفترة طويلة جداً.. يمكن لأنه مامر شي مميز يستحق التدوين
بس في هالأسبوعبين الي مروا صارت أشياء كثيرة تستحق التدوين
لكن الموضوع ما رح يكون كله كلام رح يكون كلام و صور
الأسبوع الثاني من مارس بدأ بشغل له أول ماله تالي واجبات متراكمة
ومسابقة Skills Canada و أخيراً إنتهى بالـMulti Cultural assembly
وأسهر عشان أحاول أخلص أكثر شغل ممكن
تاريخ 10 من شهر مارس يوم الأربعاء حضرت مسابقة Skills Canada بالتحديد بقسم النشر المكتبي (Desktop Publishing)
أعطونا فلاش ميموري في كل المعلومات المطلوبة وفولدر فيه صور ولمدة 3 ساعات لازم نخلص تصميم الفلاير لمهرجان الورود وبطاقة الدعوة..
في النهاية حصلت على الميدالية الفضية 🙂
التجهيزات ليوم Multi Cultural كان مستمر أنا بدوري المسؤؤلة عن المؤسسة الإسلامية في المدرسة
البنات حبوا يعرضون الملابس التراثية لمختلف دول الإسلامية… كنت أحضر التدريب كل يوم بعد المدرسة في قاعة الإحتفالات
وحبيت أصور القاعة لأن هالقاعة وقفت فيها مرات ولها ذكريات ..
نسيت أكتب أني سويت فيديو عن اليمن عن جمالها وطبعا عرضوه في يوم الإحتفال 🙂
يوم الإحتفال كان تاريخ 12 من مارس يوم الجمعة
الأسبوع الثاني خلص لهذا اليوم الرائع
وبدأت إجازة الربيع تاريخ 15 من مارس …
فقررنا أنا وأخواتي أنا نستغل هالإسبوع لحظة بلحظة لازم يكون غير
يوم الأربعاء رحنا لمول في وسط المدينة إسمه Eaton Center
المول صراحة ما ينمل منه بسهولة… وكل الماركات العالمية الي تخطر في بالك موجود فيه.. وفي محلات غريبة وحلوة
أكثر محلين لفتوا نظري محل متخصص لمطبخ أشياءة من جدرهيبه ومبتكره
وحتى ديكور المحل مسوينه على شكل مطبخ إسمه Williams-Sonoma
للأسف ما لحقت أصورةلأني قعدت فيه كثير وماعرفت شو أصور ولا شو أخلي
أنصحكم بزيارته لو جيتو كندا طبعا
والمحل الثاني إسمه Rocky Mountain
محل رهيب له40 فرع في أمريكا كندا ودولة مادري شو إسمها والإمارات
هذا المحل كله شكولاطات في ماش ميلو مغلف بالشكولاطة وتفاح مغلف بتوفي وشوكولاطة إختي خذت واحد منه
وبراوني (مثل الكيك بس أثقل) مغلف بشكلاطة وهذا الي إشتريناه لنا
هذا التفاح مغلف بتوفي وفيه قطع شكولاطة
طبعاً بعد ما خلصنا فرفرة في المول أختي إعزمتنا على MacDonald
أعتذر الصورة جداً سيئة
وبعدين حلينا من مطعم إسمه freshii
الله يسلمكم كلينا روب مثلج مع فواكه طعمه ولا أروع
أنصحكم فيه..
يوم الخميس
طلعنا للحديقة.. هذي الحديقة كل مرة أروح لها كأني أزورها أول مرة
المهم صورت المناظر
بس قبل لا نوصل صورت منظر قدام بيتنا من الزجاج الوراني لسيارة الوالدة
يوم الخميسرحنا البحر إسمه Woodbine Beach
نفسي أفهم سر الكيميرة بالبحر.. أي وقت أفكر إني أروح البحر أتعنى وأخذ الكيميرة معاي
بعد الوصول أكتشف أن خلص شحن البطارية.. بغيت أتشنج و أصيح بنفس الوقت
بس صورت بكميرة جوال إختي
يوم الجمعة هو آخر يوم لطلعاتنا في هالأسبوع.. وبعدين رح نكمل كرف الدراسة
رحنا لوسط المدينة وتمشينا بعدين وقفنا عند Tim Horton’s .. وبعدين رحنا لبحر للأسف مادري شو إسمه بس مقابله Toronto Island
بعدين رحنا للـEaton Center مرة ثانية وفرينا شوي وبعدين رحنا لمطعم إسمه Popeyes وإشترينا ساندويشات
عشان نروح لــWoodbine Beach (بس هالمرة الكيميرة شاحنتها )
بس للأسف الرياح كانت قوية وما قدرنا نقعد وايد في البحر بس إتسلينا
CN Tower من عند البحر الي ما أدري شسمه
Woodbine Beach
طعمه مثل شكله وأحلى بعد
رايكم بالصور لا هنتوا
في أمان الله في تدوينة جديدة بنجاحات أكبر وتسلية أكثر
March 22, 2010 at 8:25 am
اهلييين ..
وش هالزين ..صووورآآحتن رحلتك تجنن ..
مشآآآء الله البرآآوني شكله لذيييذ بشكل..
الا ابي اسألك انتي اللحين بالجآآمعه صح ..
وكيف تقبلتي الجآآمعات هنآآك ..وهل اهلك رآآضين انهم يسفروك للدرآسه ..؟؟
انآآ الحين بثآآلث ثانوي ..ربي يتمم هالترم على خيير ..
انآآآ ودي واتمنى اني اروح ادرس برآآ ..بس اهلي موش مقنتنعيين ابد..
بمآآ انك سافرتي عشان الدرآآسه ..ق1ق1..ممكن تعطيني نصآآيح
عشآآن اهلي يقتنعون ..!!
وشوووكرآآآن مقدمآآ ..
March 22, 2010 at 10:17 am
صور جميلة بحق و رائعه
أشتقت لأن أذهب في نزهه خارج المملكة
وفقك الله في دراستك
March 22, 2010 at 9:42 pm
هذا المحل Rocky Mountain صورة أتعبتنا ترى 😛
مبروك ع الميدالية الفضية . . والصور رائعة حتي اللي مااعجبتك وتعذرتي لنا عن سوء تصويرها
الله يوفقك ويسهل كل أمورك .
March 23, 2010 at 4:29 am
أسبووعين يجوووعوووا! الحمد لله انهم كانوا اسبوعين وناسة 🙂
March 30, 2010 at 1:25 am
جميل جداً وتصوير رهيب
April 3, 2010 at 1:46 am
مـآ شا الله تصوير رهيب ^_^
هلا بمريم المتميز .. اكيد تذكريني .. انتي كنتي معنا في ملتقى الشباب اليمني “^_^
يسعدني اشوفك مستقلة بذاتك ومملكة خاصة
اتمنا لك التوفيق .. وموقعي في خـدمتك 🙂
April 13, 2010 at 5:27 am
مٌباركِ عليكِ الميدالية الفضية وعقبال الذهبية 🙂
البراوني شكله لذيذ جدًا -_-
April 13, 2010 at 9:33 pm
الف مبرووووووك الميدالية .. وعقبال الذهبية ان شاء الله
وعجبني صراحة التورتة والحركات الشوكلاتة .. جوعتينا هههههههههههههههههههههه
وعودة محمودة
April 16, 2010 at 2:23 am
يوووه من كم اسبوع وأنا مشتهية التفاح بالتوفي :d
بالعافية على قلوبكم…
ومبروك الميدالية الفضية وعقبال الذهبية إن شاء الله ( )
رحلة واحداث جميلة ..
(f)
June 19, 2010 at 6:24 am
الصور راااائعه^^
تحية مرور
August 11, 2010 at 11:29 am
كل
عام
وأنتم
بخير ..
رمضان مبارك .
دمتم..