Archive for the ‘فنون على ورق’ Category

فديت الي تذكرني

August 9, 2009

السلام عليكم

صممت هذا التصميم بحجم سطح مكتب بعد ما وصلني عبارة “فديت الي تذكرني” الي خطااها المبدع (المشتـــاق)
هو رسلي أكثر من نوع خط عشان أختار وويضبطه بس لمن رسلي الخطوط صراحة أعجبت في خطة روووعة ماشاء الله
بس هو مرة متواضع ويقول عكس كذا تماماً…

العبارة أخذتها من الأنشودة القصيرة “فديت الي تذكرني”
أنشدها أبو حسن القحطاني
تبون تسمعون الأنشودة أنقر هنآ

التصميم فكرته واضحة على ماأضن
أستخدمت

fdeat-aly used pic by uniquexm

فيه صورة= التلفون

وخامه= هي الخلفية

و العبارة=فديت الي تذكرني

وأخيراً الأزرار الي رسمته


أخذ مني هالتصميم 3 ساعات وشوي… متواصل


التصميم

fdeat-aly by uniquexm

*\رايكم بالتصميم والخط لا هنتوا

Advertisements

Sana’a Restaurant

July 4, 2009

بعد أنقطاعي عن المدونة لفترة حبيت أرجع وفي جعبتي شي جديد …

في هذي التدوينة بحط عمل من أعمالي في الرسم. هي عبارة عن شعار(Logo)  لحمام مطعم -الله يعزكم. هذا كان واجب بأيام المدرسة أننا نختار أسم مطعم ونرسم الشعار مال المطعم وبعدين نرسم شعار الحمام -الله يعزكم- لنساء والرجال. أنا أخترت يكون أسم المطعم “مطعم صنعاء Sana’a Restaurant”  وخليت شعار المطعم يكون بيت يمني-صنعاني أكثر. فقررت أني أسوي الشعار لرجال جنبية لأن الحنبية هي أكثر شي مشهور أو معروف بصنعاء أو في شمال اليمن. ولنساء كنت بسوية فضة اليمنية الي تنحط بالراس بس كان وايد صعب عشان ما كان عندي وقت طويل فخترت أنه يكون مبخرة  والمبخرة معروفة أن النساء يستخدومنة أكثر من الرجال. ورسمت الشعارين أول شي بالرصاص وبعدين سويته بالـ(Marker) لونه أسود طبعاً بس رسمته على شكل خطوط مموجة وبس رسمت الخطوط من جهة الظل والإضائة خليتها شبة فاضي. والخلفية لونتها بألوان مائية خليتها بتدرجات ألوان البني وحطيت عليه لون الذهبي بس مو مبين مع التصور. أخليكم مع الصور . ولا تنسون تحطون رايكم 🙂

ART-logo

Logo-ART

يوم تطوعي

April 30, 2009

في أبريل 21 صار إحتفال كبير فالمدرسة عن الفن الجنوب الشرقي. من الساعة 4:30 لين الساعة 8:30. مدارس كثيرة شاركت بالأحتفال ومعضمها مدارس إبتدائية وإعدادية عرضت أعمالها  وشاركت بالرقصات. كان ودي أتمعن بالصور والرسومات والأعمال أكثر مع أنه أعمالهم بسيطة ومعظمها رسومات أطفال بس كان لها نكه خاصة. تطوعت في صف الكتاب السنوي إني أصور الإحتفال. وتطوعت إيضاً  في إرشاد الأساتذة والطلبة الي يجون من مدارس ثانية. صارت أحداث كثيرة بس ما بطول عليكم شوفوا الصور.

صورتصور كثيرة بس هذي أحلاها بكيميرة المدرسة هي كيميرة نايكون.

قبل ما يبدأ العرض كانا نخلي الأهالي يروحون الكافتيريا عشان يقعدون وياكلون لين ما يبدا العرض.

هذي أحد المدارس الصناعية الي شاركت بالطبخ مثل ما تشوفون بس للأسف طبخوا بالبيرة عشان كذا ما أقدر أقول لكم كيف كان الطعم. لأني ما كليت!

المعرض: هذا المعرض الي شاركوا فيه معضم المدارس. وكان مقره بصالة الرياضة.

مع أني ما شفت كل الرسومات بس رسمة الوردة الحمرا عجبتني كثير مادري ليش يمكن عشان لونها بارز . كانت ملونة بالـoil pastel.

الصورة الي تحت شاركت فيها مدرسة أخواتي الصغار. الي فوق ما أعرف أي مدرسة بس كمان إبتدائية. هو عبارة عن مدينة بس بالأشياء الي يعاد تصنيعها مثل الأوراق الكرتون وقوارير الماي.

لا تعليق

هذا كورنر مدرستنا يعني صراحة مو أسوأ كورنر. بس مافي أعمال كثيرة و معضمها مال صف التاسع.

بما أني كنت مرشدة  وأنا أرشد بعض من الأساتذة أجت أبلة ومعاها يمكن 30 طالب تقريباً من الصف الأول عشان يعرضون رقصة في  نهاية اليوم. أول شي كانت تحسب الطلبة عشان تتأكد من العدد طلع في طالبين ضايعين الحرمة بغت تبكي. جابوا مديرة مدرستنا و بعض من الحضور الكبار. بعد ما خلصت تعد الطلبة طلع 4 طلبة ضايعين الأبلة تجننت راحت تشوف تدور مالقت بعدين لمن رحت سمعت الإعلان بس فالنهاية قالوا خلاص حصلوا الطلبة… أضن بالباص.

في نهاية الحفلة جت أم تسألني عن رقم الصف فقلت لها، شوي و ترجع ثاني مرة تقول لي أبني من مدرسة كذا وهو بصف كذا (نسيت ما أذكر بس كبير يعني سادس كذا شي ) ومالقيته بالصف. وديتها عند الأبلة المسؤلة قالت لها أنتظري يمكن ماطلع من القاعة. الحرمة تخبلت، وقعدت تدور  رايحة راجعة من القاعة للصف لمن خلصت الحفلة الأبلة أتقول أتصلي بأبلته يمكن تعرف وينه. طلع الأبلة رجعت الطلبة مدرستهم والولد رجع البيت والأم المسكينة  تدور عليه ساعة.

Stephen Wiltshire

January 9, 2009

stephen-wiltshire

إنسان عنده ذاكرة كيمرا أي شي يشوفة  يرسمة وبالذات المباني رغم دقتة وصعوبة رسمة إلا وإنه يرسمة بطريقة رائعة ودقيقة . ولد في 24 من شهر 4 في عام 1974. دخلوه مدرسة لذوي الأحتياجات الخاصة لمن كان عمره 5 سنوات .  ولمن كان عمرة 12  سنة أصيب بمرض التوحد. وكان نادر ما يطلع بس يوم كان عمرة 10 سنوات  رسم رسمة من حديقة الحيوانات لين قاعة أسمها ألبرت هول  كأنه قصر ورسمة بدقة و بطريقة رائعة، ومن هذاك اليوم الأم أكتشفت أن إبنها عنده موهبة. ستيفن ويلتشير أصدر خمس كتب وأحد من هؤلاء الكتب أصبحت المرتبة الأولة في الأكثر مبيعة في إنجيلترا. ومع هذا كلة  عنده حس عالي بعزف البيانوا.

ستيفين  راح مدن كثيرة منها مدريت وطوكيو وروما و(دبي) بعد عشان يرسم المنظر الكامل للمدن من الطائرة المروحية ولمن راح روما بس أخذ 45 دقيقة عشان يشوف روما من فوق ويرسمه أخذت الرسمة منه 3 أيام بس لمن يرسم ما يغلط ماشاء الله يرسم بالرصاص على أساس أنه سكاتش وبعدين بالحبر عشان يكون خلص. وهذا فيديو أخترته لكم لمن راح مدينة روما عشان يرسم.

وهذا بعض من رسوماته

وإذا تبون تشوفون أو تعرفون  أكثر عنه هذا رابط موقعة

http://www.stephenwiltshire.co.uk

From cassettes

July 29, 2008

كل شي نقدر أنسوية من الكاسيتات

يعني مثلاً نقدر نسوي محافظ ،شنط و أحزمة وغيرها الكثير…

لفت أنتباهي هذي المحافظ شكلها حلوو وغريب ونقدر أنسوية بأنفسنا

وبعد هذا فيديو من كاسيتات عادية

 سوت منها شنطة غريبة 

 

 

 

 

 

فن الرسم على كراتين البيض

June 26, 2008

فن قمة في الروعة
مع أنه بعور العين يوم أدقق ع الصور
بس كنت أستخدم شبه هذا الفن في المرحلة الإعدادية
 في شهر رمضان كنا أنقص كل نص دوائر بعدين نجيب صوف ونجمع كل أثنين ونخليه كأنه دائرة وفي النهاية يطلع شكل مسباح
 بس هذا الطريقة مميزة بحاول أسوية إن شاء الله




 منقول                

 

فاكة

July 20, 2007

هذي الرسمة جديدة يعني توني رسمتها

فواكه وخضار على الطاولة

أشرح لكم شو الي رسمته

ع اليمين باللون الأحمر فلفل بارد (فلفل رومي)

والي بالوسط باللون الأصفر ليمون

والي حذاله باللون البنفسجي ع الأحمر كرز

والي فالنص باللون الأخضر وفيه خطوط يقطين

والي حذال اليقطين شمام بس الألوان غير شوي

عن الألوان الحقيقية

Islamic design

July 20, 2007

الفن الإسلامي

سويتة قبل أشهر

هي ورقة عادية مرسوم عليها الزخرفة

بس أنا لونتها بالألوان الخشبية