Archive for the ‘فضفضة’ Category

بعد الإمتحانات

June 16, 2009

exams

اليوم بدأت أول إمتحان وهو اللغة الإنجليزية
وغدا سأكمل باقي الإمتحانات
سأترك المدونة لفترة قصيرة جداً وسأعود بإذن الله…
دعواتكم لي بالتوفيق…

مزكمة+ تعبانة= مريضة

April 12, 2009

I Feel Sick

أعذروني ع القطيعة…. مريضة وواجبات هالكتني والشهادة رح تجي الأسبوع هذا. ودي أدون كثير أشياء وأولهم ألبومي الثالث لين ألحين ما سويته.

أحس أني مريضة…. بعد ويك أند طويل. بدأت الإجازة من يوم الجمعة ورح تخلص يوم الثلاثاء يعني بكره. البيت كله مرض من أسبوع إلا أنا يوم بتخلص الإجازة مرضت وعندي واجبابت متراااكمة ع الأخير والله ما أدري متى بخلصهم والمشكلة أنه يوم الثلاثاء أخر يوم لتسليم.

الصورة توني مصورتها من دون إضافات. أضغطوا ع الصورة عشان تشوفونها بالفلكر.

أعطوني رايكم بالصورة

ودي أطير

March 23, 2009

ill-flyودي أطير من الفرحة… الحمد لله والله يديمها

اليوم الأخبار الحلوة كلها جات مرة وحدة مبارك ع الفوز… ومبارك ع البيبي وجعلها من الذرية الصالحة يارب.

ألحين جا الخبر المهم أتأهلت لنهائي للمسابقة الي أشتركت فيها… الموضوع هنا

ما أدري كيف أوصف أحساسي، لمن سمعت الخبر صعقت كنت محتاجة صفعة أو قرصة تفوقني من الحلم، رجعت البيت ما صدقت الخبر أتأكدت من الموقع وكان أسمي مكتوب، بشرت الكل وبعدين أتصلت بأخوي أبشره.

شكراً لكل من دعالي ووقف جنبي وحفزني، شكراً من القلب. شكراً لكم.

* صممت خلفية لسطح مكتبي أضغطوا على الصورةفي الأعلى  لترى التصميم

إحساس

March 22, 2009

feelings

في مره حسيتوا بإحساس غريب ما عرفتو كيف توصفونه؟؟
في مره حسيتوا بأن أحساسكم تداخل بعضة وصار أحساس غريب؟؟؟
في مره حبيتوا تفضفضون أحاسيسكم ويطلع أنكم قلتو نفس الأحساس لنفس الشخص أكثر من مرة؟

أحياناً أقول
أنا أحس …. وأنتي تحسين كذا؟؟
تقول لي أحياناً أحس بس ما أقدر أوصف أحساسي يعني…
أحساسي عبارة عن كتلة ما أقدر أسميها أو أوصفها…
مثل الفقاعة تطلع وبعدين تطير ويجي غيرها…

وأنا أرد…
أنا فقاعتي ما تطير أحسها ترجع مكانها وتنعاد…
>أنتهى <

أحاسيسي زادت هالأيام والمشكلة لمن أردد أحاسيسي بيني وبين نفسي أمِل… فلازم أشاركة مع أحد… وهالأحد لازم يطفش من هالأحاسيس الي ما تخلص… بس شاسوي؟؟؟

قائمة أحاسيسي الي دايم تتكرر.
– أحس أن الوقت يجري
يوه ألحين كانت الساعة 3 كيف صارت 6 ؟؟؟؟

– أحس أني والدة هنا.
يعني من زمان أنا عايشة هنا…

-أحس أني أبغى أسافر.
أبغى أسافر أي مكان مو مهم بس أسافر …

-أحس أني أبي أصرخ.
فيني صرخة غريبة أبغى أطلعها…

-أحس أني ما أبغى أروح المدرسة.
مافي أحد أمشي معاه، الأبلوات كلامهم كثييييييير، وجباتي متراكمة ما حليت إلا ثنين <<< الي يسمع ما يقول عندي 4 حصص. المدرسة مللللللللللل.

-أحس روحي طفلة.
أحياناً أجلس مع نفسي أقول ياربي معقولة أنا ألحين عمري… العمر مر بسرعة.

وقائمة الأحاسيس ما تخلص… بس ترا ذكرت الي دايم الدوم أردده. وصراحة مليت بس ما مليت منها. يعني ودي دايم أكررها بالذات الي أحسه بيصير…

بس لحظة لحظة أيش معنى الأحساس؟؟؟*
هل هو كتلة مشاعر متداخلة في بعضها ولا… شي في داخلنا نحس أنا نبي أنقولة… ولا شي أنحس أنه بيصير بس ماندري متى وكيف؟؟؟
سؤال كذا خطر في بالي…

* سؤالي لكم ما الفرق بين الأحساس والشعور؟؟

غريب أوطان

March 18, 2009

d8a8d8afd8a7d98ad8a9-d987d985-1

بدآيـه هم .. تجي وتضم .. وتجرحني وتتعبني
غريب أوطآن .. أعيش أحزآن .. فقدت أشيآء تسعدني

فقدت أذآن .. ذكر قرآن .. بلاد الغرب تشغلني
ترگت أصحاب .. وطن وترآب .. طلبت الله يثبتني

وطن ما أنساك .. تجي ذكراك .. ودمعاتي تونسني
وأرد الآه .. تلو الآه .. وصدى الآهآت يذبحني

غريب صاح .. بعد ما راح .. محد يدري ويسمعني
أنا ياليل .. أعيش الويل .. نداء الخلان يتبعني

أسم الأنشودة: بداية هم

للمنشد: مصعب المقرن

للتحميل:
من هنآ

سمعت الأنشودة في مدونةBαşόόм ونقلت رابط التحميل من عندها ، نقلت بعض الجمل الي حسيت التصميم يتكلم عنها. أثرت فيني كلماتها وحبيت أسوي له تصميم. أضغطو ع الصورة الي فوق عشان تشوفون التصميم و أعطوني رايكم بصراحة في التصميم.

متضايقة

March 13, 2009

قررت أني ما أتضايق بس ما قدرت

مخنوقة ومتضايقة الناس تتمادى وأنا ما أعرف شو اقول
ويتعاملون معنا وكأنا …
الله ينتقم منهم

6 أسابيع.. وإلى اللقاء

February 2, 2009

winter

“الشتا رح يخلص بعد 6 أسابيع” . سمعت هالعبارة من أختي أمس أستانست، لأنة الشتا هنا يضيق الخلق والله…
بس يعني … ما تهنيت بالشتا هالسنة يمكن عشان حوشنا في هالبيت صغير، بس خيرها بغيرها…

السنوات الماضية كنا نطلع الحوش ونسوي رجل الثلج ونلعب بالثلج وحركات، لكن هالسنة الكل مشغول ومحد فاضي حق حد.
أبي الصيف يجي بسرعة ومع الايام رح اقول لكم ليش.

الصور من تصويري إذا تبي أتشوفين الصورة أظغطي  هنا

2009

January 1, 2009

2009

عامٌ قد رحل،  رحل ولن يعد.  وستبقى ذكراها في قلوبنا وفي مدوناتنا وعقولنا ولن ننساها أبداً.

سنة 2008 راحت بحلوها ومرها بفرحها وحزنها بقسوتها ولينها راحت… واليوم هو أول يوم من الـ2009 أنا مو زعلانة ولا فرحانة أنو  سنة 2008 راحت لأنه هذيك السنة مرت أشياء مارح أنساها أبد أول شي أنه  إنتقلنا للملكتنا هو البيت الجديد في كندا،  وإشتريت لي الكيميرا الي كنت أحلم فيها  وأخواتي الثنتين أنخطبوا بعد في هذيك السنة. سنة 2008 مرت مرور غريب ماأدري ليش يمكن عشانها أول سنة تمر فيها ذكريات حلوة ونحن في الغربة.

سنة 2009 أتمنها تكون سنة خير وسعادة وبركة لنا ولكل أخونا العرب والمسلمين في كل العالم. هذي السنة أتمنى إنها تمر ونشوف كل الخير والسعادة. بس مدري ليش عندي خوف من هالسنة ماأدري هو خوف عادي ولا خوف من المستقبل بس ما ودي أخاف ودي أتفائل وأنتظر المفاجأت الطيبة.

أمس في الساعة 12 كنت أنتظره بشوق… الساعة 11:55 سكرت اللاب توب وقعدت على الكرسي الكل نايم وأنا الوحيدة قاعدة في الصالة وأغير فهالقنوات عشان أشوف شالس قاعد يصير بس مالقيت شي وقفت على قناة دبي وقعدت أشوف برنامج الصباح وصارت الساعة 12. عندي ما فارقت الساعة. ماأدري ليش أتجمدت وأنا أشوف الساعة. رديت أشوف التلفزين  الساعة 12 وربع عيوني بدي يتسكر بروحة فرحت أنام.

في الصباح كنت صج ابي أنام نوم طويل عميق عشان أستقبل العام الجديد. قمت على صوت الأخبار و الي قاعد يصير في فلسطين  كنت تعبانة ورجعت أنام  ومر ثانية قمت على صوت أختي وهي تصارخ وسكتها ورديت أنام المرة الثالة قمت وأستسلمت وأنا مصدعة راسي بينفجر قمت  وكنت أفكر شو الي بكتبه في المدونة  عن العام الجديد. وألحين أضن قلت كل الي أبي أقولة بس نسيت لائحة أمنياتي هذي هيه.

ماعندي أمنيات كثيرة ودي أحققها بس هذي لستة أمنياتي :

أنجح وأجيب معدل عالي في الترم الأول والثاني وأخذ شهادة تقدير

أجهز شنطة السفر  وأسافر

أكون مصورة ناجحة

أعدل غرفتي

أرسم لوحات

يكون عندي دومين.

و أشتري لي iPhone touch أو   iPod touch

اشتريت كاميرا!

December 29, 2008

canon

اليوم يوم حافل بالنسبة لي بس يوم يجب الظغط وعدم التفائل بنفس الوقت .لمن خطيت باب المحل حسيت حالي متضايقة من أشياء صارت خلال الاسبوع الماضي وراسي مليان أشياء وكلام. خذيت الجريدة من عند الباب وقعدت أقلب في الصفحات عشان أشتري الكيمرا شفت سعره أتغير ما كنت أبي أشتريه بس أبوي أصر رحنا قسم الكيمرات وسألنا عن الكيمرا الي كنا نباها قال خلاص السعر أتغير. بس قال لنا هذي الي تبونها مو بوفشنل بس الي جنبة بروفشنل الفرق طلع في البكسلس والأل سي دي سكرين. الموهم أترددت كثير قلت لأبوي خلاص مافي داعي ماأبي أشتريه قال لي لا حلوة الكيمرا وقعدنا نسأل سعره مع التاكس. وصل قريب ال800 دولار وسألنا شنو يجي وياه طلع أنه يجي وياه الأشياء العادية ومافي إي إضافات وبعدين… ابوي قالي تشترين لاب توب أحسن ولا الكيمرا قلت له من ناحيتي الكيمرا أفضل بعدين لمن فتح السامبل مال الكيمرا وسأل أبوي لمن تبي تشتري الكيمرا؟ أبوي قال لبنتي وأشر علي وبدأ يشرح… عيني راحت بعيد شفت بنت من سنتين ما شفتها . هالبنت عرفتها أول سنه دراسة لي هنا من يوم ما خطيبها مات بدينا نتكلم ويا بعض هي من أصول هندية بس كانت عايشة في جزيرة قريب أمريكا . بعد هذيك السنة ما شفتها إلا مرة وكانت البسمة ما تفارق شفاتها بس الحزن يملي ملامحها شفتها وسلمت عليها وقلت لها شتسوين هني قالت لي إنها تشتغل في هذاك المكان وبعدها لين أمس ما شفتها ولمن رحت المحل لمحتها كانت قاصة شعرها كاريه ولابسة جاكيت للشتا لونة أسود وفيه شوي ذهبي وكانت تتكلم بالموبايل وحاملة أشياء كثيرة في إيدها. ما كنت أبي أكلمها لأني قلت يمكن مو هي بس بعدين تأكدت إنها هي نفس الشخص الي أعرفه. أبوي قالي يهو هنا وينك شو تبين الكيمرا ولا لاء قلت له إلين الحين أنا متردده وهو طلع بوكه من جيبة ويقول يالله توكلي خلينا ناخذها. بعدين قلت له هذي غالية مرة خلينا نشتري الي أرخص منها قال لي ما سمعتي شو الرجال قال إنها مو بروفشنل يعني هذيك ما تنفع وهذي أحسن قلت أوك خلاص نشترها بس بعدين قال أوه صح يبي له ميموري كارد لأنه مافي ميموري مع الكيمرا والميموري بروحة 35$ يعني السعر ولا أروع، وسألنا الرجال إذا نبي ورنتي 4 سنين ويكون عالمي ولمن سألنا السعر قال 100 وشي $ قلت لأبوي مافي داعي يكفي سنه وحدة ولمن أبوي دفع للرجال سأل على العدسة البوفيشنل وسأل عن سعرها بس ما كانت كانون كانت ماركة ثانية بعدين الوالد سأل إذا في كانون. قال “لاء بس تقدرون تشترونه أو لاين” وبعدين قال لأبوي “نحن كنا ندرس بالكتب إما ألحين أهم يدرسون بالكمبيوتر”. أبوي ضحك وحرك راسة وقال “وهذي هي المشكلة”. بعدين قلت لأبوي خلاص قلت مع الأيام رح أشتري عدسة كانون. لمن خلصنا كل شي الرجال صافح أبوي وقال لي “صورية 400 أو 500 صورة عشان يفرح”. أبوي رد علية أنا “أصلاً فرحان”. طلعت وأنا مو فرحانة مرة قد لو جت إختي معاي وأختارت الكيمرا بس أبوي فرحني بكلامة رفع معنوياتي و حقق خط من لستت أحلامي الي محتفضه فيها من مدة وماشطبت ولا خط. بس ألحين شطبت الكيمرا. لقيته والحمدلله. وإن شاء الله الكل يتحقق حلمة مثل ما تحقق حلمي. وبعدين ركبنا السيارة وحطيت الكيميرا جنبي في طريقنا كنت أقول لنفسي ياربي ليش أنا مو مستانسة بالكيمرا يعني أشتريته يعني خلاص صار عندي كيمرا بروفيشنل بس يالله مع الأيام رح أفرح وأستانس بكل لحظة أحمل فيها الكيمرا. و الله يخليك لي يا أبوي لأنك بادرت بكلامك الروعة وجيتك معاي أشتري كاميرة عمري.

….

December 19, 2008

apple

السلااااااااااااااام عليكم

بدت إجازة الشتا وأخوي إن شاء الله بيجي من إمريكا هو وعيالة إن شاء الله بنستانس

وصار عندي تويتر… صج رووعة وبعد شربت الأيس كب من فترة هو يعني كوفي مثلج  طعمة يجنن …

بحط في هذا البوست المواقف الي صارت لي بالفترة الماضية بس في البداية أحب أقول أن المشاكل والمضرابات زادت أروح المدرسة أشوف بنات يتظاربون هناك وشد شعر وهالسوالف أروح صف نقاشات حادة لأسباب تافة يعني بالزور أنشوف شي يفرح في هذي الفترة… ياترى عنكم نفس الشي ولا بس عندنا ؟؟؟

وثاني شي بكتب سالفة التفاح … أختي الصغيرونة كانت ترتب التفاح في صحن حق التفاح . رتبت كل التفاحات ولين ما وصلت لأخر حبة تفاح ، التفاح مو راضي يوقف، يتحرك يمين يسار رجعته ، ياخي مو راضي يوقف أول شي بدت تبكي وبعدين شوي شوي صوتها بدا يعلى لين ما قعدت أتصرخ وأتقول التفاح مو راضي يوقف عبالة طابور مدرسة هههه. أمي بالعافية سكتتها بعد ماقعدت تحكي قصص. وهي أصلاً أول ما تسمع أحد يقول” كان يا ما كان” تسكت وتسيب كل الي في إيدها.

وفي موقف  لفريج

نحن من فترة بدينا نشوف فريج في التلفزيون وكل يوم ننطرة الساعة 7 بتوقيتنا هنا مو كل يوم نشوفة حتى ما أعرف الأيام الي ينعرض فيه بس كل يوم نحط القناة إذا موجود قعدنا وإذا لاء نغير. المهم كانا نشوف فلم هندي قديم فقناة هندية وأبوي جا وقعد يشوفة معانا صارت الساعة 7 وخمس دقايق قلت بداااا فريج غيروا أبوي ما رضا يغير قال يخلص الفلم وبحط فريج مر الوقت وصارت الساعة 7 و35 حط دبي وما لقينا فريج أختي قالت أيواااااااااااااااااااا خلصصصصصص وقعدت تبكي … إدمان بعد ثلاث حلقات بس والله فريج صار سحر هههه.

وعن سالفة فريج بعد

قبل العيد الصغار لازم يتحنون وحدة من أخواتي قالت تبي فراشات والثانية تبي حنة أم خماس….

صج متأثرة

أبي تعليقاتكم على كل موقف وإذا عنكم موقف يضحك أكتبوة في الكومينتس ناطرة الردود