Archive for the ‘يوميات’ Category

2011

January 31, 2011

2010كانت مليئة بــ نقاط الإنطلاق…

January
كنت مخططة أكمل برنامج 360 صورة وأحط كل يوم صورة
بس أكتشفت إني ما أقدر أصور لمجرد إني أصور … بس كل صورة تيجي مع لحظة خاصة فيها…

February
Dragon Fruit…جربت فاكه إستوائية غريبة أسمها بين البطيخ والكيوي
Microwave Mug Cake..تعلمت طريقة صنع كيكة تنطبخ بالمايكرو ويف
Graphic Designer..التدريب المهني كـ مصممة CO-OP Placementبديت

March
تعلمت كثير جداً من المكان الي تدربت فيه.. عرفت أنواع الطابعات.. وكيف يصممون التصاميم الإعلانية
Desktop Publishing فزت بالمادلية الفضية في قسم
Eaton Center و woodbine beach زرت لأول مرة

April
سفر أختي وفراقها لنا لأول مرة
أنتقلت في التدريب المهني إلى ستيديو لتصوير كمساعدة مصورة

May
للبيئة ..كانت المسابقة لأفضل فكرة وتطبيقها للبيئة في مدارسنا MAC ربحت الكأس في مسابقة

June
أول مرة أحس بزلزال خفيف ( ما أتمنى الحدث ينعاد..
تخرجت من الثانوية  (إحساس رائع ..
زرت إحدى عجائب الدنيا السبع الطبيعية (شلالات نياجارا)  مكان خلاب
أول مرة أزور الطوارئ  بكندا … وكأنها محطة إنتظار تشوف كل أنواع الناس والمآسي

July
أصبحت مصورة رسمية (تعلمت أشياء أكثر من الكثير في هذي الوظيفة…و أولهم الصبر)

August
أول رمضان بدون دراسة
أول رمضان بدون أختي

September
….

October
أول مرة أجرب ألم الحرق بالزيت المقلي والنار بوقت واحد (حرقت يدي) ما أتمنى الشي هذا ينعاد أبداً

November
تعلمت الكثير من العبارات الي تكتبها الناس في تويتر

December
زرت Yorkdale Mall  لأول مرة
صار عندي تمبلر
فقدت جدتي العزيزة الي سُميت بإسمها (الله يرحمها ويغفر لها..

أتمنى أن ينتهي هذا العام بتحقيق أمنياتنا…

Advertisements

رمضان ♥

August 17, 2010


يا مرحبا بشهر السعد والتباشير
نور هلاله وطل علينا ببشراة

يارب يعود الشهر علينا بكل عام  ونحن بأفضل حال

أسبوعين من مارس X صور

March 20, 2010

إنقطعت عن مملكتي لفترة طويلة جداً.. يمكن لأنه مامر شي مميز يستحق التدوين
بس في هالأسبوعبين الي مروا صارت أشياء كثيرة تستحق التدوين
لكن الموضوع ما رح يكون كله كلام رح يكون كلام و صور

الأسبوع الثاني من مارس بدأ بشغل له أول ماله تالي واجبات متراكمة
ومسابقة Skills Canada و أخيراً إنتهى بالـMulti Cultural assembly
وأسهر عشان أحاول أخلص أكثر شغل ممكن

تاريخ 10 من شهر مارس يوم الأربعاء حضرت مسابقة Skills Canada بالتحديد بقسم النشر المكتبي (Desktop Publishing)
أعطونا فلاش ميموري في كل المعلومات المطلوبة وفولدر فيه  صور ولمدة 3 ساعات لازم نخلص  تصميم الفلاير لمهرجان الورود وبطاقة الدعوة..
في النهاية حصلت على الميدالية الفضية 🙂

التجهيزات ليوم Multi Cultural كان مستمر أنا بدوري المسؤؤلة عن المؤسسة الإسلامية في المدرسة
البنات حبوا يعرضون الملابس التراثية لمختلف دول الإسلامية… كنت أحضر التدريب كل يوم بعد المدرسة في قاعة الإحتفالات
وحبيت أصور القاعة لأن هالقاعة وقفت فيها مرات  ولها ذكريات ..
نسيت أكتب أني سويت فيديو عن اليمن عن جمالها وطبعا عرضوه في يوم الإحتفال 🙂
يوم الإحتفال كان تاريخ 12 من مارس يوم الجمعة

الأسبوع الثاني خلص لهذا اليوم الرائع
وبدأت إجازة الربيع تاريخ 15 من مارس …
فقررنا أنا وأخواتي أنا نستغل هالإسبوع لحظة بلحظة لازم يكون غير

يوم الأربعاء رحنا لمول في وسط المدينة إسمه Eaton Center

المول صراحة ما ينمل منه بسهولة… وكل الماركات العالمية الي تخطر في بالك موجود فيه.. وفي محلات غريبة وحلوة
أكثر محلين لفتوا نظري محل متخصص لمطبخ  أشياءة من جدرهيبه ومبتكره
وحتى ديكور المحل مسوينه على شكل مطبخ إسمه Williams-Sonoma
للأسف ما لحقت أصورةلأني قعدت فيه كثير وماعرفت شو أصور ولا شو أخلي
أنصحكم بزيارته لو جيتو كندا طبعا

والمحل الثاني إسمه Rocky Mountain
محل رهيب له40 فرع في أمريكا كندا ودولة مادري شو إسمها والإمارات
هذا المحل كله شكولاطات في ماش ميلو مغلف بالشكولاطة وتفاح مغلف بتوفي وشوكولاطة إختي خذت واحد منه
وبراوني (مثل الكيك بس أثقل) مغلف بشكلاطة وهذا الي إشتريناه لنا


هذا التفاح مغلف بتوفي وفيه قطع شكولاطة


هذا البراوني


البراوني لمن كان مغلف

طبعاً بعد ما خلصنا فرفرة في المول أختي إعزمتنا على MacDonald

أعتذر الصورة جداً سيئة

وبعدين حلينا من مطعم  إسمه freshii
الله يسلمكم كلينا روب مثلج  مع فواكه  طعمه ولا أروع
أنصحكم فيه..

يوم الخميس
طلعنا للحديقة.. هذي الحديقة كل مرة أروح لها كأني أزورها أول مرة
المهم صورت المناظر

بس قبل لا نوصل صورت منظر قدام بيتنا من الزجاج الوراني لسيارة الوالدة

لمن وصلنا الحديقة

يوم الخميسرحنا البحر إسمه Woodbine Beach
نفسي أفهم سر الكيميرة بالبحر.. أي وقت أفكر إني أروح البحر أتعنى وأخذ الكيميرة معاي
بعد الوصول أكتشف أن خلص شحن البطارية.. بغيت أتشنج و أصيح بنفس الوقت
بس صورت بكميرة جوال إختي

يوم الجمعة هو آخر يوم لطلعاتنا في هالأسبوع.. وبعدين رح نكمل كرف الدراسة
رحنا لوسط المدينة وتمشينا بعدين وقفنا عند Tim Horton’s  .. وبعدين رحنا لبحر للأسف مادري شو إسمه بس مقابله Toronto Island
بعدين رحنا للـEaton Center مرة ثانية وفرينا شوي وبعدين رحنا لمطعم إسمه Popeyes وإشترينا ساندويشات
عشان نروح لــWoodbine Beach (بس هالمرة الكيميرة شاحنتها )
بس للأسف الرياح كانت قوية وما قدرنا نقعد وايد في البحر بس إتسلينا


CN Tower من عند البحر الي ما أدري شسمه


Woodbine Beach


طعمه مثل شكله وأحلى بعد


رايكم بالصور لا هنتوا
في أمان الله في تدوينة جديدة بنجاحات أكبر وتسلية أكثر

سنة الإنتقال 2010

January 1, 2010

سنة سعيدة عليكم وعلينا وعلى الأمة العربية والإسلامية

سنة أنطوت صفحاتها البارحة … واليوم قلبنا صفحة جديدة من صفحات حياتنا

السنة الي راحت مرت بسرعة لأنه دايماً يقولون أحلى اللحظات تمضي بسرعة .
السنة الي مضت كانت سنة رااائعة جداً بالنسبة لي … وأحداث كثيرة صارت فيها وكلها سارة ولله الحمد، وأصبحت ذكرى مارح تنَسى لحظاهتها.
وأهمها أني سافرت وحققت وحدة من الأماني الي كتبتها لسنة 2009.

السنة هذي أتمناها تكون سنة الإنتقال  بالنسبة لي بإذن الله لأني رح أنتقل من مرحلة المدرسة لمرحة آخرى.
أسأل ربي التوفيق بنهاية المرحلة القديمة وببداية المرحلة الجديدة…

البارحة سألت أختي وأمي شو حققتوا بالسنة الي مضت وشو ناوين تحققون بالسنة الجديدة…
جاوبوني… وبعدين أختي الثانية سألتني هالسؤال … جاوبت ودي أحتفظ بالرد وأخليه لنفسي
بس أنا أتمنى ثلاث أشياء لهالسنة والأمنية الرابعة مب لي …

الأولى أنه ربي يقدرني ويكتب إني أسافر وأحظر عرس إنسانة غالية حييل
مع أني أحسه شي مستحيل .. بس تظل أمنية

والشي الثاني التوفيق من رب العالمين في المرحلتين مثل ما ذكرت فوق…

الأمنية الثالثة إني أشترك بمسابقة التصويروأفوز بالمرتبة الأولى.

الرابعة والأخيرة… دعوة لكل المتخرجين لهالسنة بالتوفيق
وبالتوفيق للمتخرجين بالعائلة الكريمة…وعقبال ما نشوفكم دكاترة يارب
وبالتوفيق للبنات الي درست معاهم بالمرحلة الإبتدائية والإعدادية بالإمارات…
ويارب يتم زواج الغالية ع خير و وتتوفق في حياتها معاه…
وبالتوفيق لأخواتي الأعزاء بحياتهم الجديدة… وعقبال ما أنشوف عيالكم  يارب

ألحين جا دور التهنئة 🙂
صراحة أحترت كيف أهنئ زوار مدونتي الأعزاء ومتابعينها
فحبيت أول شي أدعي لكم دعوة بسيطة بمناسبة قدوم هالسنة
أنه ربي يجعل هالسنة سنة خير وسعادة وتفائل لكم جميعاً، وسنة لتحقيق أمانيكم يارب…

وأهدي هالتصميم  لكم … الي قعدت ساعة على الكمبيوتر عشان يطلع شي معاي بس بالنهاية طلع هالتصميم الي مادري شلون طلع.
أضغطوا على الصورة

وصورتين بعد صورتهم .. الأولى بمناسبة السنة الهجرية والثانية بمناسبة السنة الميلادية.
أضغطوا على الصور

عِيدكْم سَعْيد

November 29, 2009

عِيدكْم سَعْيد .. وعَساكُم مِنْ عُوادْة

العيد مر بسرعة  واليوم قاعدين نودعه

رجعت بعد فتر طويلة جداً .. أشتقت للمدونة ولعالم التدوين
رجعت بعد ما سافرت لسعودية .. وألحين رجعت

أعتذر إذا قطعت مرة ثانية عن التدوين
لأنه هذي آخر سنة لي بالمدرسة
يعني أنا بالثانوية العامة
أدعولي بالتوفيق .. وأتخرج بنسبة عالية 🙂

عيد سعيد مرة ثانية  لكل المارين من هنا

*/رايكم بالصورة يهمني

بعد الإمتحانات

June 16, 2009

exams

اليوم بدأت أول إمتحان وهو اللغة الإنجليزية
وغدا سأكمل باقي الإمتحانات
سأترك المدونة لفترة قصيرة جداً وسأعود بإذن الله…
دعواتكم لي بالتوفيق…

يوم تطوعي

April 30, 2009

في أبريل 21 صار إحتفال كبير فالمدرسة عن الفن الجنوب الشرقي. من الساعة 4:30 لين الساعة 8:30. مدارس كثيرة شاركت بالأحتفال ومعضمها مدارس إبتدائية وإعدادية عرضت أعمالها  وشاركت بالرقصات. كان ودي أتمعن بالصور والرسومات والأعمال أكثر مع أنه أعمالهم بسيطة ومعظمها رسومات أطفال بس كان لها نكه خاصة. تطوعت في صف الكتاب السنوي إني أصور الإحتفال. وتطوعت إيضاً  في إرشاد الأساتذة والطلبة الي يجون من مدارس ثانية. صارت أحداث كثيرة بس ما بطول عليكم شوفوا الصور.

صورتصور كثيرة بس هذي أحلاها بكيميرة المدرسة هي كيميرة نايكون.

قبل ما يبدأ العرض كانا نخلي الأهالي يروحون الكافتيريا عشان يقعدون وياكلون لين ما يبدا العرض.

هذي أحد المدارس الصناعية الي شاركت بالطبخ مثل ما تشوفون بس للأسف طبخوا بالبيرة عشان كذا ما أقدر أقول لكم كيف كان الطعم. لأني ما كليت!

المعرض: هذا المعرض الي شاركوا فيه معضم المدارس. وكان مقره بصالة الرياضة.

مع أني ما شفت كل الرسومات بس رسمة الوردة الحمرا عجبتني كثير مادري ليش يمكن عشان لونها بارز . كانت ملونة بالـoil pastel.

الصورة الي تحت شاركت فيها مدرسة أخواتي الصغار. الي فوق ما أعرف أي مدرسة بس كمان إبتدائية. هو عبارة عن مدينة بس بالأشياء الي يعاد تصنيعها مثل الأوراق الكرتون وقوارير الماي.

لا تعليق

هذا كورنر مدرستنا يعني صراحة مو أسوأ كورنر. بس مافي أعمال كثيرة و معضمها مال صف التاسع.

بما أني كنت مرشدة  وأنا أرشد بعض من الأساتذة أجت أبلة ومعاها يمكن 30 طالب تقريباً من الصف الأول عشان يعرضون رقصة في  نهاية اليوم. أول شي كانت تحسب الطلبة عشان تتأكد من العدد طلع في طالبين ضايعين الحرمة بغت تبكي. جابوا مديرة مدرستنا و بعض من الحضور الكبار. بعد ما خلصت تعد الطلبة طلع 4 طلبة ضايعين الأبلة تجننت راحت تشوف تدور مالقت بعدين لمن رحت سمعت الإعلان بس فالنهاية قالوا خلاص حصلوا الطلبة… أضن بالباص.

في نهاية الحفلة جت أم تسألني عن رقم الصف فقلت لها، شوي و ترجع ثاني مرة تقول لي أبني من مدرسة كذا وهو بصف كذا (نسيت ما أذكر بس كبير يعني سادس كذا شي ) ومالقيته بالصف. وديتها عند الأبلة المسؤلة قالت لها أنتظري يمكن ماطلع من القاعة. الحرمة تخبلت، وقعدت تدور  رايحة راجعة من القاعة للصف لمن خلصت الحفلة الأبلة أتقول أتصلي بأبلته يمكن تعرف وينه. طلع الأبلة رجعت الطلبة مدرستهم والولد رجع البيت والأم المسكينة  تدور عليه ساعة.

مزكمة+ تعبانة= مريضة

April 12, 2009

I Feel Sick

أعذروني ع القطيعة…. مريضة وواجبات هالكتني والشهادة رح تجي الأسبوع هذا. ودي أدون كثير أشياء وأولهم ألبومي الثالث لين ألحين ما سويته.

أحس أني مريضة…. بعد ويك أند طويل. بدأت الإجازة من يوم الجمعة ورح تخلص يوم الثلاثاء يعني بكره. البيت كله مرض من أسبوع إلا أنا يوم بتخلص الإجازة مرضت وعندي واجبابت متراااكمة ع الأخير والله ما أدري متى بخلصهم والمشكلة أنه يوم الثلاثاء أخر يوم لتسليم.

الصورة توني مصورتها من دون إضافات. أضغطوا ع الصورة عشان تشوفونها بالفلكر.

أعطوني رايكم بالصورة

ودي أطير

March 23, 2009

ill-flyودي أطير من الفرحة… الحمد لله والله يديمها

اليوم الأخبار الحلوة كلها جات مرة وحدة مبارك ع الفوز… ومبارك ع البيبي وجعلها من الذرية الصالحة يارب.

ألحين جا الخبر المهم أتأهلت لنهائي للمسابقة الي أشتركت فيها… الموضوع هنا

ما أدري كيف أوصف أحساسي، لمن سمعت الخبر صعقت كنت محتاجة صفعة أو قرصة تفوقني من الحلم، رجعت البيت ما صدقت الخبر أتأكدت من الموقع وكان أسمي مكتوب، بشرت الكل وبعدين أتصلت بأخوي أبشره.

شكراً لكل من دعالي ووقف جنبي وحفزني، شكراً من القلب. شكراً لكم.

* صممت خلفية لسطح مكتبي أضغطوا على الصورةفي الأعلى  لترى التصميم

إحساس

March 22, 2009

feelings

في مره حسيتوا بإحساس غريب ما عرفتو كيف توصفونه؟؟
في مره حسيتوا بأن أحساسكم تداخل بعضة وصار أحساس غريب؟؟؟
في مره حبيتوا تفضفضون أحاسيسكم ويطلع أنكم قلتو نفس الأحساس لنفس الشخص أكثر من مرة؟

أحياناً أقول
أنا أحس …. وأنتي تحسين كذا؟؟
تقول لي أحياناً أحس بس ما أقدر أوصف أحساسي يعني…
أحساسي عبارة عن كتلة ما أقدر أسميها أو أوصفها…
مثل الفقاعة تطلع وبعدين تطير ويجي غيرها…

وأنا أرد…
أنا فقاعتي ما تطير أحسها ترجع مكانها وتنعاد…
>أنتهى <

أحاسيسي زادت هالأيام والمشكلة لمن أردد أحاسيسي بيني وبين نفسي أمِل… فلازم أشاركة مع أحد… وهالأحد لازم يطفش من هالأحاسيس الي ما تخلص… بس شاسوي؟؟؟

قائمة أحاسيسي الي دايم تتكرر.
– أحس أن الوقت يجري
يوه ألحين كانت الساعة 3 كيف صارت 6 ؟؟؟؟

– أحس أني والدة هنا.
يعني من زمان أنا عايشة هنا…

-أحس أني أبغى أسافر.
أبغى أسافر أي مكان مو مهم بس أسافر …

-أحس أني أبي أصرخ.
فيني صرخة غريبة أبغى أطلعها…

-أحس أني ما أبغى أروح المدرسة.
مافي أحد أمشي معاه، الأبلوات كلامهم كثييييييير، وجباتي متراكمة ما حليت إلا ثنين <<< الي يسمع ما يقول عندي 4 حصص. المدرسة مللللللللللل.

-أحس روحي طفلة.
أحياناً أجلس مع نفسي أقول ياربي معقولة أنا ألحين عمري… العمر مر بسرعة.

وقائمة الأحاسيس ما تخلص… بس ترا ذكرت الي دايم الدوم أردده. وصراحة مليت بس ما مليت منها. يعني ودي دايم أكررها بالذات الي أحسه بيصير…

بس لحظة لحظة أيش معنى الأحساس؟؟؟*
هل هو كتلة مشاعر متداخلة في بعضها ولا… شي في داخلنا نحس أنا نبي أنقولة… ولا شي أنحس أنه بيصير بس ماندري متى وكيف؟؟؟
سؤال كذا خطر في بالي…

* سؤالي لكم ما الفرق بين الأحساس والشعور؟؟